മുഹമ്മദ് നബി(സ്വ) അമ്പിയാക്കളില്‍ പ്രഥമസ്ഥാനീയനാണ്. അതുകൊണ്ട് തന്നെ അല്ലാഹുവിന്റെ ഇതര സൃഷ്ടികള്‍ക്കില്ലാത്ത പല സവിശേഷതകളും നബി(സ്വ)ക്കുണ്ട്. അത് ഹ്രസ്വമായി വിവരിക്കുകയാണിവിടെ.
നബി(സ്വ)യുടെ സവിശേഷതകള്‍ വിവരിക്കുക തന്നെ ഒരു സുന്നത്തായ കര്‍മമാണ് (നിഹായ: 6/175).
നബി(സ്വ)യുടെ മേല്‍ സ്തുതികീര്‍ത്തനം ഏറ്റവും ശ്രേഷ്ഠമായ ദിക്‌റാണ്. (ഗായതു തല്‍ഖീസില്‍ മുറാദ്: 298).
നബി(സ്വ)യുടെ സവിശേഷതകള്‍ രണ്ടു വിധമുണ്ട്:
ഒന്ന്; സമുദായത്തില്‍ നിന്നും വിഭിന്നമായി നബി(സ്വ)ക്ക് ലഭിച്ച സിദ്ധിയാണെന്നാണ്. മറ്റു പ്രവാചകര്‍ക്കും ഇത്തരം യോഗ്യതയുണ്ടെന്ന് വരാം.
രണ്ട്; സൃഷ്ടികളില്‍ മറ്റാര്‍ക്കുമില്ലാത്ത നബി(സ്വ)ക്ക് മാത്രം ലഭിച്ച ഗുണഗണങ്ങളാണ് (അലിയ്യുശ്ശബ്‌റാ മല്ലിസി: 6/174).
പുതിയ കാലഘട്ടത്തില്‍ നബി(സ്വ)യുടെ സവിശേഷതകള്‍ ചര്‍ച്ച ചെയ്യുന്നതില്‍ കഴമ്പില്ലെന്ന വാദം തള്ളപ്പെട്ടു (അലിയ്യുശ്ശബ്‌റാ മല്ലിസി: 6/175).
ഇമാം റംലി നബി(സ്വ)യുടെ ശ്രേഷ്ഠതകള്‍ വിവരിക്കുന്നു:
1) നബി(സ്വ)യുടെ ഭാര്യമാരെ വിവാഹം ചെയ്യല്‍ മറ്റുള്ളവര്‍ക്ക് ശാശ്വതമായ ഹറാം.
2) മറ്റെല്ലാ സ്ത്രീകളേക്കാളും നബി(സ്വ)യുടെ ഭാര്യമാര്‍ക്ക് ബഹുമതി.
3) നബി(സ്വ)യുടെ ഭാര്യമാരുടെ പ്രതിഫലവും ശിക്ഷയും മറ്റുള്ളവരുടെ ഇരട്ടി.
4) നബി(സ്വ)യുടെ പത്‌നിമാര്‍ സത്യവിശ്വാസികളുടെ മാതാക്കളാണ്.
5) നബി(സ്വ) അനുയായികള്‍ക്ക് പിതാവാണ്.
6) അന്ത്യപ്രവാചകന്‍.
7) എല്ലാ മനുഷ്യരുടെയും നേതാവ്.
8) ആദ്യമായി ഭൂമി ഭേദിക്കുന്നവര്‍.
9) ആദ്യമായി സ്വര്‍ഗവാതില്‍ മുട്ടുന്നവര്‍.
10) ആദ്യ ശുപാര്‍ശകര്‍.
11) ശുപാര്‍ശ സ്വീകരിക്കപ്പെടുന്നവരില്‍ ഒന്നാമന്‍.
12) ഏറ്റവും ഉത്തമ സമുദായമുള്ളവര്‍.
13) നബി(സ്വ)യുടെ സമുദായം തെറ്റില്‍ ഏകോപിക്കുകയില്ല.
14) സമുദായത്തിന്റെ അണി മലക്കുകളുടെ അണിക്ക് സമം.
15) കഴിഞ്ഞുപോയ ശരീഅത്തുകളെ ദുര്‍ബലപ്പെടുത്തി ശക്തവും സ്ഥിരവുമായ ശരീഅത്ത് നല്‍കപ്പെട്ടു.
16) എന്നെന്നും ശേഷിക്കുന്ന മുഅജിസത്ത്.
17) ഭൂമിയില്‍ എവിടെയും നിസ്‌കരിക്കാന്‍ അനുവാദം നല്‍കപ്പെട്ടവര്‍.
18) മണ്ണുകൊണ്ട് ശുദ്ധി ചെയ്യാന്‍ അനുവാദം നല്‍കപ്പെട്ടു.
19) സമ്പത്ത് അനന്തരാവകാശം എടുക്കപ്പെടില്ല.
20) വഫാതു വേളയില്‍ സമ്പത്തുണ്ടെങ്കില്‍ അത് മുസ്‌ലിംകള്‍ക്ക് സ്വദഖ.
21) അഞ്ചു ശഫാഅത്തുകള്‍ക്ക് അനുമതി നല്‍കപ്പെട്ടവര്‍.
22) ഏറ്റവും മഹത്തായ ശുപാര്‍ശ കൊണ്ട് പ്രത്യേകമാക്കപ്പെട്ടവര്‍.
23) ചോദ്യം ചെയ്യല്‍ കൂടാതെ ചില അനുയായികള്‍ സ്വര്‍ഗത്തില്‍ പ്രവേശിക്കുന്നു.
24) അമ്പിയാക്കളില്‍വെച്ച് ഏറ്റവും കൂടുതല്‍ അനുയായികള്‍.
25) ഒരിക്കലും ഹൃദയം ഉറങ്ങാത്തവര്‍.
26) മുമ്പോട്ടു കാണുംപോലെ തന്നെ പിന്നിലേക്കും കാണുന്നവര്‍.
27) ഇരുന്ന് നിസ്‌കരിച്ചാലും നിന്ന് നിസ്‌കരിച്ചതിന്റെ കൂലി സുന്നത്ത് നിസ്‌കാരത്തില്‍ നല്‍കപ്പെട്ടവര്‍.
28) നിസ്‌കരിക്കുന്നവര്‍ നബിയോട് സലാം കൊണ്ട് അഭിമുഖം നടത്തിയാലും നിസ്‌കാരം ബാത്വിലാവുകയില്ല.
29) നബി(സ്വ)യുടെ ശബ്ദത്തേക്കാള്‍ മറ്റുള്ളവരുടെ ശബ്ദം ഉയര്‍ത്തല്‍ ഹറാമാക്കപ്പെട്ടു.
30) മുഹമ്മദ് എന്ന പേര് മാത്രം വിളിക്കല്‍ ഹറാം.
31) നിസ്‌കരിച്ചു കൊണ്ടിരിക്കുന്നവനെ നബി(സ്വ) വിളിച്ചാല്‍ അനുസരിക്കല്‍ അവന് നിര്‍ബന്ധം. അധിക പ്രവൃത്തി വന്നാലും അവന്റെ നിസ്‌കാരം ബാത്വിലാവുകയില്ല.
32) നബി(സ്വ)യുടെ മുമ്പില്‍ വെച്ച് വ്യഭിചാരം നടത്തിയവന്‍ കാഫിര്‍.
33) നബി(സ്വ)യുടെ പെണ്‍മക്കളുടെ മക്കളുടെയും പരമ്പര നബിയിലേക്ക് ചേരുന്നു.
34) നബി(സ്വ)യുടെ രക്തവും മൂത്രവും മരുന്നായി ഉപയോഗിക്കാം.
35) അര്‍ത്ഥ സമ്പൂര്‍ണ്ണമായി വാക്കുകള്‍ നല്‍കപ്പെട്ടവര്‍.
36) നബി(സ്വ)യുടെ വാക്കുകള്‍ സത്യമാണ്.
37) നബി(സ്വ)യുടെ ശരീരം ചിതലരിക്കുകയില്ല.
38) നബി(സ്വ)യുടെ കൈവിരലിന്റെ ഇടയില്‍കൂടി വെള്ളം ഒലിച്ചു.
39) ഇസ്‌റാഇന്റെ രാത്രി മറ്റു നബിമാര്‍ക്ക് ഇമാമായി നിസ്‌കരിച്ചു.
40) നബി(സ്വ)ക്ക് പിഴവ് സംഭവിക്കുകയില്ല.
41) വഫാത്തിന്ന് ശേഷവും അനുയായികളുടെ സലാം എത്തിക്കൊണ്ടിരിക്കുന്നവര്‍.
42) മറ്റു നബിമാര്‍ക്ക് അനുകൂലമായി അന്ത്യനാളില്‍ സാക്ഷി നില്‍ക്കും.
43) നിഴലില്ലാത്തവര്‍.
44) ശരീരത്തില്‍ ഒരിക്കലും ഈച്ച ഇരിക്കില്ല.
45) ശരീരത്തില്‍നിന്ന് കൊതുകിന് രക്തം കുടിക്കാന്‍ കഴിയില്ല.
46) മുസ്‌ലിംകള്‍ നിസ്‌കാരത്തില്‍ നബി(സ്വ)യുടെ പേരില്‍ സ്വലാത്ത് ചെല്ലല്‍ നിര്‍ബന്ധം.
47) ലോക സൃഷ്ടികളുടെ ഉല്‍പത്തി മുതലുള്ള സകല സൃഷ്ടികളെയും കണ്ടവര്‍.
48) ഒരിക്കലും കോട്ടുവാ ഇട്ടിട്ടില്ല.
49) നബി(സ്വ)യുടെ വിസര്‍ജ്യം ഭൂമി വിഴുങ്ങുന്നു.
50) നബി(സ്വ)യുടെ ജനാസ നിസ്‌കാരം ജമാഅത്തായി നിര്‍വഹിക്കപ്പെട്ടില്ല (നിഹായ: 6/176,177,178).
0 അഭിപ്രായങ്ങള്‍